Jaka eta Aranguren bikoteak ondo hasi zuten partida. Aranguren aurreko egunetan bezala fresko, eta Jakak ere pilota eskutik abiaduraz ateratzen zitzaion txinparta horrekin. Aurrean lan egiteko prest zegoen bikotea, Urrutikoetxea eta Albisu.
Urrutikoetxea eta Albisuri kosta egin zitzaien berdintzea, nahiz eta aldea ez izan oso handia. Arangurenek ere sustoa izan zuen belaunean kolpea hartuta txokoan pilotaren bila zihoala, Aranguren ohituta ez gauzkan pilotaren batek huts egin du eta gorriek oso praktiko jokatu dute. Urrutikoetxeak pilota gehiago izan du, Albisuk menderatzea lortu du eta Jaka defentsa lanetan sartzera behartu dute.
15-15ekoaren ondoren partidaren azken partziala argia izan da 7-1eko emaitzarekin gorrien alde, Urrutikoetxea eta Albisuren alde. Hor agerian geratu da Urrutikoetxea eta Albisu hobeto iritsi direla hitzorduaren amaierara, Laudion bigarren puntua lortzeko. Urrutikoetxea-Albisu 22 Jaka Aranguren 16.
Promozio Txapelketako partidan Larrazabal eta Eskiroz nagusitu dira hasiera hasieratik. 7-0 jarri dira partidaren hasieran Zubizarreta eta Uriondoren aurka. Uriondok, Elizegiren ordez etorri denak, ez du asmatu eta pilota asko galdu ditu. Partida honetan hasiera hasieratik nagusitu dira urdinak, Larrazabal eta Eskiroz. Amaieran, Zubizarreta-Uriondo-10, Larrazabal-Eskiroz -22.