Patxi Iturregiri zuzeneko elkarrizketa gaur 22:00etan Aiaraldea Komunikabideko Youtube eta Twitch kanaletan, bere liburu berriari buruz hitz egiteko

Erredakzioa 2022ko abenduaren 14a
Deskargatu Info Ahotsak :

Patxi Iturregi 2019an egindako elkarrizketa batean. / Aiaraldea.eus

Estuarioa liburua argitaratu berri du idazle laudioarrak eta aukera baliatuko du komunikabideak testu horri buruz zein bere bizitza eta ibilbideari buruz mintzatzeko.

Gaur 22:00etan Aiaraldea Komunikabideak solasaldia eskainiko du zuzenean Patxi Iturregi idazlearekin. Webgunean, Twitch eta Youtube kanaletan izango da emisioa eta egileak bere azken liburua aurkeztuko du: Estuarioa.

Kontakizun laburrak lantzen dituen laudioarra itsasora -hain zuzen, Nerbioiko itsasadarrera- itzuli da berriro, Ur biren artean egin bezala. Aiaraldea Komunikabideak, hortaz, Iturregiren iragana izango du hizpide -itsasontzi pilotua izan zen- bere lanaren inguruan hausnartzeko.

Nola ez, Durangoko Azokari, eta literaturarekin daukan harremanari buruz ere galdetuko diote. 

Kultura Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide