Lehenbiziko aldiz parte hartu zuen Laudioko Bi Hotsak taldeak lehiaketa batean larunbatean. Errioxako Santo Domingo de la Calzada herrira jo zuten, bertako Gabon Kanten lehiaketara, eta bigarren postuarekin itzuli ziren Laudiora.
Alfredo Gomez idazkariak Aiaraldea Komunikabideari adierazi dionez, oso esperientzia polita izan zen: "Taldean 49 gara, baina 46 lagun joan ginen. Zortzi abesbatzek hartu zuten parte; Burgos, Gipuzkoa, Bizkaia, Araba eta Nafarroako koroak zeuden. 500 pertsona inguru bildu ziren". Santo Domingo de la Calzadako Avenida antzokian izan zen norgehiagoka, eta talde bakoitzka 2 abesti kantatu zituen. Laudioarrek, Adeste Fideles kanta eta Luz del cielo kantak hautatu zituzte, "lehena latinez zein ingeleraz da, eta bigarrena gazteleraz.
"Santo Domingo de la Calzadara joaten garen lehenbizko aldia da. 2018an hasi ginen, eta bosgarren urteurrena betetzear gaude. Gure lehen lehiaketa da, baina koroa arin eta ondo hazten ari da"
"Santo Domingo de la Calzadara joaten garen lehenbizko aldia da. 2018an hasi ginen, eta bosgarren urteurrena betetzear gaude. Gure lehen lehiaketa da, baina koroa arin eta ondo hazten ari da", azpimarratu du. Beatriz Zurimendi zuzendariaren gidaritzapean aritu ziren kantari laudioarrak. "Normalean pop-bertsioak egiten ditugu", zehaztu du.
Datorren astean ekimen bikoitza izango dute, Muñozen hitzetan. Batetik, Asasamen aldeko ekitaldian hartuko dute parte abenduaren 29an (Lamuzako San Pedro elizan), "eta bestetik, 30ean Laudioko kaleetan abestuko dugu APILLek kaleak girotzeko antolatutako ekitaldian". Aurki, ordea, emakumeen aldeko kontzertua hasiko dira prestatzen, aurreratu duenez.