BIDEOA

Topografoek karga-probak egin dituzte San Juan erreka gaineko zubian

Aimar Gutierrez Bidarte 2023ko urtarrilaren 13a

Aurki amaituko dituzte Laudioko San Juan erreka zeharkatzen duen zubi berriko lanak. Gaur zubiaren erresistentzia neurtu dute, karga-proben bidez. Aurreikuspenen arabera, otsaila hasieran zabalduko dute errepidea.

Aurki amaituko dituzte San Juan erreka inguruan iazko urte hasieran abiatutako lanak. Obren helburua San Juan erreka eta bere ingurua uholdeetatik babestea izan da. Horretarako, aire-zabaleko ibilgu berria eman diote errekari, Nerbioi ibaiarekin bat egiten duen lekuan.

Lan hauei esker, aurrerantzean, ur-goraldien errepikapen denbora 10 urtekoa izan ordez, 100 urtekoa izango da errekaren ibilguan eta 500 urtekoa erreka ertzetan. Hain zuzen ere, 2021eko azaroan jazo zen azken uholdea inguruan. Orduko hartan, ur azpian geratu zen ibilgu berriak zeharkatzen duen lekuan zegoen aparkalekua.

Karga-probak

San Juan erreka zeharkatzen duen zubi berriaren lanak amaitzear dauden honetan, topografo talde batek karga-probak egin ditu bertan. Horretarako, lau kamioi pisutsu baliatu dituzte. Azterketak bukatuta, eta aurreikuspenen arabera, otsaila hasieran irekiko dute zubia, oinezko zein ibilgailuentzat.

Jendartea Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide