Hainbat ekitaldi egingo ditu Podemos Euskadik larunbat honetan bere 9. urtemuga ospatzeko eta “udal eta foru hauteskundeei begira proposamenak partekatzeko”. Aiaraldeko zita Laudion izango da, 12:00etan Aldai Plazan, eta Foru Aldundiko hautagaiak egongo dira.
Jai-giroko hainbat ekintza prestatu ditu Podemos Euskadik larunbat honetarako, taldearen bederatzigarren urteurrena zirkuluekin eta militantziarekin ospatzeko. Laudion eguerdian egingo dute ekitaldia Aldai Plazan, Foru Aldundiko hauteskundeetara aurkeztuko diren zerrendakideekin, militanteekin eta afiliatuekin batera.
Urtemuga ospakizunaren baitan, Lasarte-Oriako (Gipuzkoa) udal egoitza berria inauguratuko du talde politikoak. Horrez gain, Araban Gasteizen eta Dulantzin ere egingo dituzte ekitaldiak; Bizkaian Bilbon, Santurtzin, Leioan, Galdakaon, Sestaon, Amorebieta-Etxanon eta Trapagaranen; eta Gipuzkoan Andoainen, Irunen, Errenterian, Eibarren, Pasaian eta Elgoibarren. Bederatzi urteko ibilbidea ospatzeaz gain, udal taldeek beren proiektuak aurkeztuko dituzte ekitaldiotan, "urte garrantzitsu honetarako”.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
