Laudio Ikastolaren liburua eta dokumentala aurkeztu dituzte

Dozenaka lagun bildu ziren Laudioko Kultur Etxean liburuaren aurkezpenaz eta dokumentalaren estreinaldiaz gozatzeko. 

Dozenaka lagun bildu ziren ostegun arratsaldean Laudioko Kultur Etxeko Arraño aretoan, Laudio Ikastolaren historiari buruzko liburuaren eta dokumentalaren aurkezpenean. Abenduan argitaratu zuten liburua, ikastetxearen 50. urteurrenaren testuinguruan, eta Zuhaitza eta Arin liburudendetan, Ikastolako idazkaritzan eta Eroskin eskuratu daiteke. 

Dokumentala, aldiz, atzo ikusi ahal izan zen lehenbiziko aldiz, eta Internetera igoko dute laster, jende ororen eskura egon dadin. 

Horrez gain, liburuaren gaztelerazko itzulpena egingo dutela aurreratu zuten osteguneko ekitaldian. Hiru pertsonek hartu zuten hitza aurkezpenean: Jon Bengoetxea Martinezek (Ikastolako zuzendariak), Ainhoa Uriarte Bilbaok (Ikastolako ikasle ohi eta gurasoak) eta Txabi Alvarado Bañaresek (Aiaraldea Ekintzen Faktoriako kidea). Aiaraldea Ekintzen Faktoria arduratu da, hain zuzen, liburuaren zein dokumentalaren ekoizpenaz.  

Ikastolako ikasle, langile eta ikasle ohi ugari batu ziren Kultur Etxean. Tartean egon ziren Ander Añibarro Maestre alkatea eta Lexuri Ugarte Aretxaga Arabako Foru Aldundiko Euskara eta Gobernu Irekiko zuzendaria (biak ala biak ikastolako ikasle ohiak). Horrez gain, Koldo Tellitu Ikastolen Elkarteko lehendakaria ere bertaratu zen.

Argazkiak: Laudio Ikastola

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide