Hockeya protagonista izan da asteburuan Laudion

Aitor Aspuru Saez 2023ko ots. 6a, 08:00
Deskargatu Info Ahotsak :

Espainiako Hockey Aretoko Finalerdiak irabazi ditu Complutense klub madrildarrak Laudion eta Ganbegik harmailak bete ditu asteburu osoan.

Arabako Federazioak eta Ganbegik antolatuta, Espainiako Hockey Aretoko Finalerdiak jokatu dira asteburuan Granja Kiroldegian, ostiralean hasita.

Antolatzaileek balorazio ona egin dute, nahiz eta kirola bera sustatzeko ekintzek tarte askorik izan ez duten. Dena den, kiroldegia bete da Ganbegiko partidetan, eta ia 300 lagun batu dira bere norgehiagoka guztietan. "Herriko jendea animatu da, umeak ere egon dira" aipatu du, Hector Borge Arabako Federazioko eta Ganbegiko kideak.

Txapelketaren antolakuntza eta tokia, balorazio ona izan du klub ezberdinen aldetik eta teknikoen aldetik ere.

Bere aldetik, Ganbegik bazekien Benalmadena eta Complutenseren kontra lehiatzeko aukera gutxi izango zituztela eta Sardineroren aurka partida ona egin arren, ez zuten irabazi. Hori bai, Alcalaren kontra gailendu ziren.

Sailkapenari dagokionez, Complutense irabazlea izan da. Argazkietan ikus daitekeen partida izan zen jokatutako azkena eta 10-0 gailendu zen. 2. Club de Campo izan zen, 3. Benalmadena eta 4. Universidad de Alacant.

Argazkiak: Aitor Aspuru eta Iera Garaio

Kirola Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide