Aiaraldeko GKS antolakundeak atzo salatu zuen sare sozialetan 1.500 euroko isuna jaso duela Laudioko Udaltzaingoaren aldetik. Aiaraldea Komunikabidea erakundeko kide batekin jarri da harremanetan eta horrek berretsi dio urtarrilean udaltzainek taldeko zenbait kide identifikatu zituela pankarta bat jartzeagatik. Berriki 1.500 euroko zigorra jakinarazi diete.
Gertakari hauek krisi testuingurua baliatuz, enpresari eta agintariek aurrera eramaten ari diren ofentsibaren baitan ulertu behar ditugu militantzia politikorako baldintzak oztopatzea helburu izanik. pic.twitter.com/hZQ5cFcrDG
— Aiaraldeko GKS (@GKS_aiaraldea) February 13, 2023
Urtarrilaren 28an Bilbon egindako manifestazioari egiten zion erreferentzia pankartak -enpresarie erasoaldia salatzeko- eta GKSk salatu du erakunde publikoak bere jarduera oztopatzen saiatzen direla.
Horren bi adibide jarri dituzte. Alde batetik, Ertzaintzak beste 4.000 euroko isunak tramitatu zituela iaz Laudioko Gaztetxearen itxieraren kontrako mobilizazioari lotuta.
Horren aurrean, Udaletxearen erantzuna zipaioak bidaltzea izan da eta bertan zeuden kontra kargatu dute bortizki. Argi dugu Udaletxea dela egoera honen guztiaren erantzulea, berea baitzen desalojo agindua gelditzeko erantzunkizuna.pic.twitter.com/X8Aqzrdeld
— Laudioko Gaztetxea (@LaudioGaztetxea) June 13, 2022
Horrez gain, urtarrilaren 28an GKSk manifestazioa deitu zuen Iruñean ere eta Nafarroa Garaiko hiriburuan 50 gazte identifikatu zituen poliziak. Gerora, 10.000 euroko isunak jarri dizkiete.
GKS Aiaraldeak ez du baztertzen zigor gehiago heltzea hurrengo asteetan, salaketak tramitatzen dituzten neurrian.