ONIEVA

"Oso harrera ona izan du Turkia eta Siriara arropa eta mantak bidaltzeko bilketak"

Izar Mendiguren Cosgaya 2023ko ots. 16a, 12:06

Onievako arduradunek adierazi dutenez, oso harrera ona izaten ari da ekimena. / Aiaraldea.eus

Turkia eta Siriara bidaltzeko manta, arropa eta elikagai bilketa ari dira egiten Aretan aste honetan. Ostiralera arte, Onieva autobus enpresako biltegia izango da jasoketa puntua.

Turkia eta Siriara bidaltzeko arropa eta elikagai bilketa ari dira egiten aste honetan Aretan. Onieva autobus enpresa bilakatu dute bilketa gune horretarako, Galdakaoko Gobernuz Kanpoko Erakunde baten eskaerari erantzunez. Hain zuzen, Galdakaoko Boluntarioen Gizarte Elkarteak sustatu du ekimena, "Turkia zein Siriako egoera laguntzeko".

"Asko ari dira etortzen, jendea oso motibatuta dago. Datorren astean eramango dituzte kamioietan bildutako poltsa guztiak"

Otsailaren 13an ekin zioten dinamikari Aretan, eta 17an bukatuko dute. Onievako arduradunek Aiaraldea Komunikabideari adierazi diotenez, harrera izugarria izan du proposamenak: ""Oso harrera ona izan du bilketak. Jendea oso motibatuta dago. Zoramena da guretzat, jende asko ari baita etortzen".

Artziniegan ere antzeko ekimena jarri dute abian eta indarrean dago oraindik:

Astelehenean heldu zioten bilketari Aretan. "Ostirala arte egongo da aukera, 10:00-13:00etara eta 16:00etatik 18:00etara. Denetarik ekar daiteke, neguko arropa, mantak, umeentzako gauzak, esnea edo iraungitzen ez diren jakiak...", azpimarratu dute. Hala, datorren astean eramango dituzte kamioietan bildutako poltsa guztiak.

Jendartea Laudio Areta

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide