Arrakastatsua izan da Envases enpresan lan hitzarmena dela eta eginiko greba eguna. Dozenaka langile bildu dira lantegiaren aurrean goizeko bostetatik aurrera.
Ertzaintzaren hainbat patruila bertaratu dira une batean, baina handik gutxira alde egin dute, eta giroa lasaia izan da goiz osoan zehar. Izan ere, grebaren jarraipena ia erabatekoa izan da, Enpresa Batzordeak nabarmendu duenez.
Datozen asteetan emango diote segida mobilizazio zikloari, 24 orduko greba egingo baitute otsailaren 28an eta martxoaren 2, 7 eta 9an. Hala jakinarazi du LABek prentsa ohar baten bidez.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.