Akordioa lortu dute Talleres Abasoloko langileek, ia bi hilabeteko grebaren ostean

Txabi Alvarado Bañares 2023ko ots. 27a, 16:00
Talleres Abasolo beharginak, 'Aiaraldea berriz ere borrokara!' lemapean eginiko mobilizazioan. / Aiaraldea.eus

Langileek Aldi Baterako Enplegu Erregulazio Espediente bat onartu dute, bi hilabeteko iraupena izango duena gehienez. Enpresak, bere aldetik, dituen zorrak kitatu eta lantegia saldu beharko du, "langile guztiak subrogatuta". 

Akordioa onartu zuten ostiralean Talleres Abasoloko langileek, bi hilabeteko grebaren ostean. Hala jakinarazi berri du LABek prentsa ohar baten bidez. Sindikatuak adierazi duenez, beharginek greba bertan behera utziko dute eta Aldi Baterako Enplegu Erregulazio Espedientean sartuko dira, "gehienez bi hilabeteko iraupena izango duena". 

Modu horretan, "denbora" emango diote enpresari, "langileen subrogazioarekin salmenta egin ahal izateko eta, aldi berean, sortutako zorra adostutako epeetan kitatzeko". Izan ere, greba hasi zenean, langileek lau hilabete zeramaten soldata kobratu gabe. 

Enpresaren salmenta helburu

LABen aburuz, garrantzitsua da tailerra "ahalik eta epe laburrenean" saltzea, egungo bazkideekin "etorkizuneko bermerik" ez dagoela iritzita. Horri lotuta, sindikatuak nabarmendu du grebak iraun duen bi hilabeteetan zehar ez dutela enpresako bazkideekin biltzerik izan, "hauen gizatasunik eza agerian geratu delarik". "Prozesu horretan guztian, ez dira egoeraz arduratu, eta Administrazio Kontseiluko lehendakariak ere uko egin dio akordio sinatzeko bilerara joateari", salatu dute langileen ordezkariek.

Gainera, enplegua suntsitu dela salatu du sindikatuak, langileetako batzuk borondatez joan egin direlako, "dagozkien kalte ordainak galduta". "Ezin dugu onartu enpresen abandonuak enplegua suntsitzea, inolako ondoriorik gabe". Gauzak hala, akordio honek egoera konpontzeko balioko duela ondorioztatu du LABek, "beste ezein langilek eskubiderik gal ez dezan".

Urte hasieran ekin zioten grebari Tallerez Abasoloko langileek, eta ordutik hona protesta ekimen ugari egin dituzte Laudion. Pentsiodunekin edota gatazkan dauden beste zentroekin (Galvista edota Madres Mercedarias) batera mobilizatu dira, besteak beste:

Ekonomia Laudio
Erlazionatuak
LAB sindikatuaren oharra, osorik

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide