Gorbeia Parke Naturaleko txoko ezin ederrago batean, Arrabako aterpean, lau eguneko egonaldia eskaintzen dugu Lehen Hezkuntzako 4. mailatik (edo 9 urte beteta) DBHko 2. mailara bitarteko ikasleentzat.
Izen ematea
Izen ematea martxoaren 7ra arte burutu ahal izango da ondorengo formularioan: https://labur.eus/gorbeia2023
Ekintza burutzeko gutxienez 10 partaide batu beharko dira eta gehienez 24ko taldea osatuko da. Laudio Ikastolako ikasleek lehentasuna izango dute eta taldea izen ematearen hurrenkeran osatuko da.
Kuotaren zenbatekoa partaide kopuruaren arabera ezarriko da: 15 partaidera arte batuz gero, 250 euro eta, 16 baino gehiago izanez gero, 210 euro. Kasu bietan kuota ordainketa bakarrean edo bitan banatuta ordaindu ahal izango da. Ikastolakoak ez diren partaideek transferentzia egin beharko dute.
Kuotak barne dauka egonaldiko ostatua eta mantenua pentsio osoan (lehen eguneko bazkaria salbu) Gorbeiako aterpetxean, asegurua, programatutako jarduerak eta hauek burutzeko materiala bai eta ekipajearen garraioa ere.
Baja irizpideak
Martxoaren 24a (hau barne) baino lehen jakinarazitako bajei ez zaie kobratuko.
Martxoaren 25etik (hau barne) aurrera ondorengo baja irizpideak aplikatuko dira:
- %90 ez da kobratuko (hau da, %10 kobratuko da) ondorengo kasuetan, betiere agiri baten bidez frogatuta:
- A) gaixotasun edo istripua, medikuaren froga-agiria behar da.
- B) Joatea eragozten duen ustekabeko edo beharrizan larria, betiere justifikatuta badago.
- Baja aurreko arrazoiengatik ez bada, kuotaren %80 kobratuko da.
Informazio-bilera
Martxoaren 29an ekintzan izena eman duten familiekin informazio bilera burutuko dugu 17:00etan Ikastolako Areto Nagusian.
Ekintzaren programa ondorengo estekan bistaratu daiteke: https://labur.eus/gorbeia2023programa.