Emakume Master Cupen finalerdiak jokatuko dira Aretako frontoian larunbatean

Txabi Alvarado Bañares 2023ko mar. 7a, 18:30

Gaur egin dute ekimenaren aurkezpena Laudioko Herriko plazan, Udaleko eta Herriaren pilota elkarteko ordezkarien eskutik. 

Emakume Master Cup txapelketak Areta bisitatuko du larunbat eguerdian. Bertako frontoian jokatuko dira lehiaketako finalerdiak, 12:00etatik aurrera.

Arrizabalaga-Capellan bikotea Garai-Gaminderen aurka neurtuko ditu indarrak, eta Aldai-Mendizabal eta Larrarte-Arrillaga arituko dira jarraian lehian.

ETB1ek zuzenean emitituko du saioa. Finala Zarautzen izango da, martxoaren 26an. 

Gaur egin dute ekimenaren aurkezpena Laudioko Herriko plazan. Bertan parte hartu dute Laudioko Udaleko zein Herriaren pilota elkarteko ordezkariak. 

Ander Añibarro alkateak nabarmendu du "ohorea" dela horrelako ekintzak Laudiora ekartzea, "gure kirolaren alde egiten dugulako eta berdintasunaren alde egiten dugulako". Loli Muriel berdintasun zinegotziak pilotaren munduan emakumeen presentzia handitzeko beharra jarri du mahai gainean "oso kirol maskulinizatua" dela iritzita.

Asier Amondo Herriaren elkarteko kideak, bere aldetik, gogorarazi du honakoa ez dela Aretan egingo den emakumeen lehen txapelketa: "Martxoaren 8aren testuinguruan, pandemia baino lehen, jaialdi bat antolatu genuen, pala eta pilota uztartuta, eta puntako pilotariekin". Bere ustez, larunbateko txapelketak balioko du herriko pilota eskola indartu eta emakume gehiago kirolera gerturatzeko.

Kirola Laudio Areta

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide