Mana Zucca, Lili Boulanger, Germaine Tailleferre, Cecile Chaminade, Emiliana de Zubeldia, Emma Chacón eta Maria Luisa Escobarren lanak interpretatu zituen Antonio Oyarzabal piano-jotzaile laudioarrak asteartean Arriaga Antzokian, baina ez zen bakarrik egon zeregin horretan. Izan ere, Karmele Larrinaga antzezle ospetsuak konpositoreei buruzko informazioa eskaini zuen, piezen artean.
Emakumeak izateagatik gizarte patriarkalaren arauekin borrokatu behar izan zuten aipatutako konposatzaileek. Lehenik eta behin, piano ikasketak egiteko eta gero konposatzeko eta euren obrak balioan jartzeko.
Antonio Oyarzabalek egindako lanak (historia guztiko 700 emakume konpositore erreskatatu ditu) balio du lan horiek merezi duten tokian kokatzeko. Hain zuzen, emakumezko ugari ezagunak izan dira orain arte norbaiten emazte izateagatik. Beste askok senarren izenean sinatu behar izan zituzten bere sorkuntzak, musikalki errespetua jasotzeko.
Kontzertua amaitzeko, Karmele Larrinagak Emakumeen martxa ereserkia sufragista kantatu zuen, Ethel Smyth ekintzaile eta konpositoreak egindakoa.
Gogoratu beharra dago otsailean Oyarzabalek bere lan berria grabatu zuela, CD euskarrian. La Muse Oublié-ren bigarren partea izango da eta, horrez gain, publikoki aurkeztu du El fin del silencio, emakume konpositore amerikarren lanekin osatutakoa.