Lamuza parkeko eta Aretako Gasteiz kaleko kantxak egokituko dituzte, kirol pista anitz bihurtzeko

Txabi Alvarado Bañares 2023ko martxoaren 15a
Deskargatu Info Ahotsak :

Lamuza parkekoa da egokituko dute kantxetako bat. / Laudioko Udala

124.997,72 euroko aurrekontua baliatuko du Udalak bi espazioak atontzeko (BEZ barne). 

Lamuza parkeko eta Aretako Gasteiz kaleko kantxak egokituko ditu Laudioko Udalak, "kirol anitzeko pista" bilakatzeko. Tokiko erakundeak azaldu duenez, hainbat kirol mota egin ahalko dira pista berrietan: "Futbola, futbitoa, areto futbola, saskibaloia, eskubaloia edota hockeya, besteak beste". 

Horretarako, itxiera perimetrala ezarriko dute bi espazioetan, belar artifiziala jarriko dute, eta bi porteria eta bi saski atonduko dituzte.

Astelehenean ireki zuten obrak egiteko lehiaketa publikoa Udalaren kontratzailearen profilean, 124.997,72 euroko aurrekontu eskaintzarekin (BEZ barne). Behin esleipena eginda, hautatutako enpresak 12 asteko epea izango du obrak egiteko. Gauzak hala, bi pistak udarako prest egongo direla aurreikusi daiteke, esleipenaren fase guztiak ondo badoaz. 

Kirola Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide