Giro ona nagusi I. Laia-Vidrala emakumeen padel torneoan

Erredakzioa 2023ko martxoaren 19a
Deskargatu Info Ahotsak :

Izar Mendiguren eta Iraia Escandonek irabazi zuten I. Laia Vidrala Padel torneoa. Egun osoan zehar egon ziren partidak, eta giro ona izan zen nagusi.

Atzo -larunbata- egun osoz jokatu zen I. Laia Vidrala padel torneoa. 9:00etan ekin zioten norgehiagoka sortari; eta kanporaketen arabera erabaki zen nortzuk parte hartuko zuten bi ligetan.

Hala, lehen partida irabazi zutenen artean jokatu zen torneo nagusia, eta gainontzekoek "kontsolazio" kuadroan jarraitu zuten lehiatzen. Izar Mendiguren -Iraia Escandon bikoteak irabazi zuen azkenean final nagusia, Nerea Garmila eta Izaskun Ugarte gailenduta. Kontsolazio torneoko garaileak, berriz, Irune Aldecoa eta Eider Sanchez izan ziren. 

Txapelketa ez ezik, erakustaldi partida ere egin zuten 11:30ean, Euskal Herrian puntan dabiltzan jokalariekin. Horrez gain, emakumezkoen beste partida batzuk ere egon ziren lehiatik kanpo, partida laburren joko-formula erabilita. 

Ondorengoa izan zen sailkapen nagusia:

  1. Iraia Escandon - Izar Mendiguren
  2. Nerea Garmila - Izaskun Ugarte
  3. Izaskun Azula - Rosa Fernandez

Argazkiak: Laudio Padel Kluba

Kirola Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide