Laudio, Arabako Kuadrilla arteko finala hartzeko prest

Izar Mendiguren Cosgaya 2023ko martxoaren 22a
Deskargatu Info Ahotsak :

Urtarrilaren 29an Laudion izan zen kanporaketako irudi bat. / Aiaraldea.eus

Larunbatean izango da Arabako Kuadrilla arteko bertsolari txapelketako finala, Laudion. 12:00etan bertso-poteoa egingo dute eta 14:00etan bazkaria. 17:00etan hasiko da finala, Laudio BHIko pista estalian.

Urtarrilaren amaieran abiatu zuten Arabako Kuadrilla arteko bertsolari txapelketa, eta asteburuan izango da finala Laudion. Hain zuzen, 17:00etan izango da bertso saioa. Kanporaketak eta finalerdiak jokatu ondotik, hiru talde sailkatu dira finalera: 'Izena pentsau bi da' (Aramaio), 'Muñoko katuak' (Gasteiz) eta 'Errexala' (Gasteiz). Hala ere, festa egun osoa prestatu du Arabako Bertsozale Elkarteak, partaide guztiak elkartu eta bertsozaleen jai egun bilakatzeko asmoz.

Egun osoko egitaraua

12:00etan aterako dira Laudio BHItik idatzizko taldeak eta bat-batekoak poteoan. Hala, herriko taberna eta kaleetan arituko dira kantuan. Ondoren, bazkaria izango dute zain; eta 16:00etan Intxixu taldearen kontzertua egongo da. 

Kultura Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide