Gasteizko 'Katuko muñoak' taldea izan da 2023ko Arabako Kuadrilla arteko bertsolari txapelketako garailea. Aramaioko 'Izena pentsau bida' eta 'Errexala' taldeek osatu zuten final handiko hirukotea. Festa eguna izan zuten atzo Laudion bertsozaleek, eta bertso-poteoarekin, bazkariarekin zein kontzertuarekin ospatu zuten ekimenaren amaiera.
Festa egunarekin bukatu zuen Arabako Bertsozale Elkarteak Kuadrilla arteko bertsolari txapelketa. Maeztun aurkeztu zuten ekimena urtarrilean, eta geroztik makina bat saio jokatu dira Araba osoan barrena. Finala Laudion izan zen atzo, institutuko pista estalian. Giro ederra izan zen nagusi egun osoan zehar: 12:00etan bertso poteoa egin zuten herrigunetik, 14:00etan bazkaria, 16:00etan Intxixu taldearen kontzertua eta 17:00etan finala.
Saioa umoretik josi zuten bertsolariek, eta onena 'Katuko muñoak' taldea izan zela ebatzi zuten epaileek. Hala, eurentzat izan zen kimu sorta, "hazi berriak ereiten jarrai dezaten". Horrez gain, idatzizko txapelketan parte hartu dutenek ere eskuratu zituzten sariak.
Argazkiak: Arabako Bertsozale Elkartea
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide