Ekimen berezia egin zuen atzo Laudio Ikastolak herrian barrena. "12.742 kilometro baietz!" lelopean, Zumalakarregi etorbidea puntarik punta lotzeko erronka luzatu zieten herritarrei, eta oihartzun zabala izan zuen ekimenak. Izan ere, egun osoan zehar makina bat lagun animatu ziren euskararen alde bidea zeharkatzera. Ibilbidean zehar, gainera, hainbat elkarteren parte hartzea ere nabarmendu zen: Itxarkundia taldeak dantzan heldu zion erronkari, Andere abesbatzak kantuan, eta Arloteek kalejiran. Horrez gain, Galtzagorri kultur taldeko buruhandiak ere ibili ziren partaideak zirikatzen, eta Kun kun batukadak erritmoa jarri zion arratsaldeari.
"363 kilometro baino ez dira falta izan zenbaki borobila erdiesteko: eta hori sekulako lorpena da"
Ildo beretik, Esmara elkarteak txosna jarri zuen Saharako kanpamenduetako proiektua sustengatzeko, eta Araba Euskarazeko material salmenta ere egon zen, txosna eta talo postuarekin batera.
Argazkiak: Laudio Ikastola eta Izar Mendiguren Cosgaya
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide