CD Laudiok 3-0 galdu zuen Alavesen aurka, 16 jardunaldietako bolada ona hautsiz

Aimar Gutierrez Bidarte 2023ko martxoaren 28a

Gogor aritu arren, CD Laudiok ez zuen lortu Alaves garaitzea. / CD Laudio

CD Laudiok ez zuen lortu azken jardunaldietako martxari eustea, eta 3-0 galdu zuen Alavesen aurka martxoaren 26an jokatutako partida. Halaber, laudioarrek ez diote amesteari utzi, maila igoera lortzeko lehian jarraitu nahi dute.

CD Laudiok ez du lortu azken hilabeteetako bolada onari eustea, eta 3-0 galdu zuen Alavesen aurka iragan martxoaren 26an Gasteizen jokatutako partida. Talde laudioarrak 16 jardunaldi zeramatzan norgehiagokarik galdu gabe. Aurreko jardunaldian, gainera, 2-1 garaitu zuen ligako lehen postuan dagoen San Viator taldea.

3-0 Alavesen alde

Talde zuri-gorriak lehenengo minutuan jazo zuen lehenengo gola martxoaren 26ko norgehiagokan. Lehen kolpe hori gorabehera, partida berdintzeko hainbat aukera izan zituen CD Laudiok partidaren lehenengo zatian. Aukerak izan arren, ez zen golik iritsi laudioarren alde. Alavesek, bere aldetik, bi gol sartu zituen bigarren zatiko lehenengo 20 minututan, markagailuan are abantaila gehiago lortuz.

Javi Urrutiaren taldeak, ordea, ez dio amesteari utzi nahi, eta maila igoera lortzeko "konplexurik gabe" lehiatzen jarraitu nahi dute. "Orain, kolpe honetatik osatu eta azken jardunaldietan erakutsitako bidera itzuli behar gara. Liga asko geratzen da eta dena da posible".

Kirola Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide