Berriz ere egun eguzkitsuak datozela probestuta, kaleko egitarau zabala antolatu du Laudioko Udalak datozen hilabeteetarako. Aurreko urteetako dinamikari eutsiz, KultUDABERRIA programaren edizio berri bat aurkeztu du tokiko erankundeak. Larunbat honetatik -apirilak 1- ekainaren 18ra luzatuko da.
"Udalerriko bizitza soziala eta kulturala dinamizatzea" izango da egitasmoaren helburu bakarra, eta "gazte zein adinkoentzako jarduera programa zabala" antolatu dute horretarako. Kontzertuak, poesia errezitaldiak, haurrentzako jarduerak, kalejirak, antzerkiak, bakarrizketak... hainbat motatako jarduerak egongo dira hurrengo hilabeteetan, eta hainbat izen ezagun egongo dira tartean. Maiatzaren 19an Oscar Terol umoregile beteranoa igoko da Alberto Acero plazako oholtzara. Ekainaren 17an, aldiz, Esne Beltza taldeak kontzertua eskainiko du toki berean.
Hala ere, tokikotasuna izango da programaren ardatz nagusia, tokiko artistak izango baitira "nagusi", Maite Cortazar Kultura eta Jaietako zinegotziaren hitzetan. 25 jarduerek osatzen dute KultUDABERRIA programa, eta horietako 14 etorriko dira Laudioko sortzaile edo elkarteen eskutik. Andere, Arteon eta Bi Hotsak abesbatzek, Akelarre eta Itxarkundia dantza taldeek, Lankaietako Lagunak eta Ekin Joleak txistulari taldeek, San Roke Musika Elkarteak, Oihala Zabaltzen antzerki taldeak eta Peio Rivas ilusionistak jarriko dute euren alea egitarauan, besteak beste.
EGITARAU OSOA, EGUNEZ EGUN
APIRILA
APIRILAK 1, LARUNBATA
20:00etan
Andere Abesbatza
Kontzertu sakratua Lamuzako San Pedro Parrokian
APIRILAK 21, OSTIRALA
20:00etan
Akelarre dantza Taldea
Dantza erakustaldia Alberto Acero plazan
APIRILAK 22, LARUNBATA
19:30ean
Bi Hotsak Abesbatza
Kontzertua Alberto Acero plazan
APIRILAK 27, OSTEGUNA
19:00etan
Lakaietako Lagunak
San Prudentzio erretreta Herriko Plazan
APIRILAK 28, OSTIRALA
20:00etan
Ekin Joleak
Kalejira Herriko Plazan
Demoder Quartet
Musika emanaldia Alberto Acero plazan
APIRILAK 28, OSTIRALA
13:00etan
San Roke Musika Taldea
Kalejira Herriko Plazan
APIRILAK 29, LARUNBATA
18:00etan
Oihulari Klown 'Hor Konpon'
Antzerkia Herriko Plazan
MAIATZAK 6, LARUNBATA
11:30-20:00
Esports
Lamuzako udal kiroldegia
MAIATZAK 11, OSTEGUNA
19:00etan
Micaela Portillo: centenario
Dokumentala-solasaldia Kasinoan
MAIATZAK 12, OSTIRALA
20:00etan
'Poetas en mayo'
Poesia errezitaldia Alberto Acero plazan
MAIATZAK 13, LARUNBATA
19:00etan
Arteon Abesbatza
Kontzertua Kasinoan
MAIATZAK 13, LARUNBATA
20:00etan
Malaje Solo 'Lope que te parió'
Antzerkia Aldai plazan
MAIATZAK 19, OSTIRALA
20:00etan
Oscar Terol
Umore ikuskizuna Alberto Acero plazan
MAIATZAK 26, OSTIRALA
20:00etan
Itxarkundia
Dantzaplaza Aldai plazan
MAIATZAK 28, IGANDEA
11:00etan
Ekin Joleak
Kalejira Santa Luzian
MAIATZAK 28, IGANDEA
19:00etan
San Roke Musika Taldea
Kontzertua Aldai plazan
EKAINAK 2, OSTIRALA
20:00etan
Acordes Navarros
Nafarroako jotak Alberto Acero plazan
EKAINAK 3, LARUNBATA
17:00/19:30
Oihala Zabaltzen 'Un funeral de Muerte'
Antzerkia Kasinoan
EKAINAK 2,3 ETA 4
OSTIRALA, LARUNBATA ETA IGANDEA
Festival food fest jaialdia
EKAINAK 9, OSTIRALA
20:00etan
Aukera Dantzan 'Aiurri'
Dantza ikuskizuna Herriko plazan
EKAINAK 10, LARUNBATA
20:00etan
Peio Rivas ilusionista
Magia ikuskizuna Kasinoan
EKAINAK 16, OSTIRALA
20:00etan
Itxarkundia
Dantzaplaza Alberto Acero plazan
EKAINAK 17, LARUNBATA
23:00etan
Esne Beltza
Erromeria Alberto Acero plazan
EKAINAK 18, IGANDEA
19:00etan
Andere Abesbatza
Kontzertua Kasinoan