Hilabeteak falta dira oraindik Laudioko Jaiak ospatzeko, baina egitarauaren zati handi bat aurkeztu dute gaur. Udalerriko jai-eragileak elkartu dira Laudioko udalbatza Aretoan egin duten agerraldian orain arte lotutako egitarauaren berri emateko, eta abuztuaren 15erako atzera-kontaketa abiatzeko.
Datozen hilabeteetan emango dute egitarauaren xehetasunen berri; hala nola, pregoilari eta txupinero nortzuk izango diren. Aurtengo sanrokeek zazpi jai-koadrila berri izango ditu Suziri Jai Koordinakundearen barruan antolatuta. Koadrila zaharrek ere hainbat ekintza prestatuko dituzte. Txosna Batzordea ere egitaraua osatzeko lanetan da, baina aurreratu dutenez aurreko urteetako eskema berdina jarraituko dute musika-eskaintzari dagokionean.
Musika eskaintza
Besteak beste kontzertuen Udalak lotutako egitaraua aurkeztu dute. Iaz bezala hiru gune nagusi izango ditu musika-eskaintzak: Herriko Plaza, Alberto Acero Plaza eta Hiru Gurutzetako aparkalekua.
Hau da kontzertuen programazioa egunez egun:
- Abuztuak 15: El Consorcio eta King Africa
- Abuztuak 16: Gatibu
- Abuztuak 17: En Tol Sarmiento eta Los Cinco Bilbainos
- Abuzutuak 23: Mojinos Escocios, Golden Apple Quartet
- Abuztuak 24: Los Tenampas mariatxiak eta Ptazeta
- Abuztuak 25: Sorotan Bele San Roke musika bandarekin batera eta Rosario Flores
- Abuztuak 26: Orquesta La Mision eta Hika Dantza Taldea
- Abuztuak 27: Puro Relajo
