Laudio Atletismo taldeak urtero antolatzen duen krosaren izen-ematea zabaldu du. Sare sozialetan eman du ekimenaren berri eta, iragarri dutenez, 10 kilometroko zeharkaldirako apuntatzeko webgunea martxan dago jada. Hain zuzen, Kirolprobak ataria baliatuko dute horretarako.
Batetik, helduen maila egongo da eta, bestetik, umeena. Alabaina, 16-35 urte artekoek A kategoria osatuko dute, 36-45 urtekoek B, 46-55 bitartekoek C, 56-65 artekoek D, eta 66 urtetik gorakoek E.
Umeen lasterketa 300 metrokoa izango da 0-7 urtekoentzat, kilometro batekoa 8-11 urtekoentzat eta 2 kilometrokoa 12-15 urtekoentzat. 11:00etan aterako dira gazteak, 11:10ean 8-11 urtekoak eta 11:15ean txikienak.
Umeen kasuan, ez da izena aurrez eman beharko, "egun berean apuntatu beharko da". Aiaraldea Komunikabidea ekimenaren babeslea izango da, eta dortsal baten zozketa egingo du apirilaren 21ean.
Hemen ikusi daitezke iazko argazkiak.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
