Lituaniako Silute hiria eta inguruak ezagutzera jo dute Laudio Institutuko DBH 3 eta DBH 4ko hamaika ikaslek Erasmus+ programaren bidez. Bidaia horrekin, bukatutzat jo dute 2021ean hasitako Click on sustainability programa. Horretarako, Siluteko ikasleen familiekin partekatu dute astea, eta baita greziar eta italiar ikasleekin ere.
Astebeteko programa trinkoa eta oso interesgarria prestatu diete Lituaniako arduradunek. Orientazio jolasa egin zute Ezagutu Šilute zaharra izenarekin, eta ibilaldia ere egin dute hiria ezagutzeko. Horrez gain, tailerra egin dute Naumiestis Arrantza Zentroan, baita Šilutėko Lanbide Heziketa Zentroan ere, Ventė horn estazio ornitologikoa bisitatu dute eta baita Aukštumala pasabide kognitiboa ere (oinezkoen pista naturala Ruguliai herrian).
Horrez gain, Klapėidako Lituaniako Historia Museoa eta The Dutchman’s Cap-cliff on the seaside bisitatu dituzte, liho-ohialak eta bitxi baltikoen tailerra egiteko. Palangako Amber museoan ere egon dira eta, azkenik, Klapeidatik Smiltyneraino itsasontziz joan dira Dolphinariumeko Itsas Museoaz eta izurde ikuskizunaz gozatzeko.
Esan bezala, Lituania izan da ekimenaren azken bidaia eta aurretik Grezian eta Italian egon ziren laudioarrak. Urrian, aldiz, Greziako, Italiako eta Lituaniako bisitariak bertaratu ziren Laudiora.