Datorren maiatzaren 7an, laudioarrek eta inguruko udalerrietako bizilagunek hitzordua izango dute Arraño mendian, bertako natura-ondare aberatsa ezagutzeko. Zehazki, bertan ikus daitezkeen basa-orkidea espezie ugariak. Izan ere, Arraño mendian 20 basa-orkidea espezie baino gehiago hazten dira neguaren amaieratik udazkenera, biodibertsitate handiko eta natura-ondare aberatseko espazioa eskainiz. Espezie horietako bi, gainera, EAEko Espezie Mehatxatuen Katalogoan daude.
Proposatutako ibilbideak bi orduko iraupena izango du, eta 10:00etan hasiko da Kultur Etxean. Jarduera Laudiokoloreak ekimeneko kideek dinamizatuko dute, eta euskaraz eta gaztelaniaz izango da. Oraingoan ere, gehienez ere 12 pertsonarentzako lekua egongo da. Bertaratzeko interesa dutenek Udaleko Ingurumen Sailean eman beharko dute izena (944 034 870) edo hirigintza@laudio.eus helbidera mezu elektronikoa idatzi.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
