Arrakasta izugarria izan zuen atzo Esti Urresolaren film luzearen aurreestreinaldiak Bilbon. BBK Aretoan hasieran pentsatutako baino eserleku gehiago eskatu behar izan zituzten, jendez lepo egon baitzen lokala.
Filmak harrera bikaina izan zuen eta amaieran txaloak asko luzatu ziren. Publikoa hunkituta zegoen, eta Urresolak zein pelikulako beste arduradunek eskerrak eman zituzten partaidetza zabalagatik, baita Naizen elkarteari, adingabe transexualen errealitatea partekatzeagatik zuzendariarekin.
20.000 especies de abejas Laudion ere grabatu zuten eta, besteak beste, Gardea auzuneko irudi ugari ditu. Ostiralean helduko da pelikula zinema aretoetara eta ekoizleek adierazi dute espero dutela jende asko bertaratzea ikustera.
Filma proiektatu baino lehen, Urresolak, ekoizleek eta antzezleek photocalla egin zuten eta Juan Mari Aburto Bilboko alkateak edota EITBko arduradunek ere parte hartu zuten argazki saioan.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide