Sugarrak Arabako txapelduna izan zen igandean

Sugarrak saskibaloi klubeko gizonezkoen haur mailako taldea Arabako txapelduna izan zen igandean Granja kiroldegian. Horretarako Araberri eta Jotake menderatu zituen lauko finalean.

Laudioko Granja kiroldegiak hartu zuen Arabako haur mailako saskibaloi txapelketaren lauko finala eta garaipena herrian bertan geratu zen.

Lehiaketako azken txanpa larunbatean hasi zen eta Jotake klubak 34-28 gainditu zuen Marianistas lehen finalerdian. Bigarrenean, Sugarrakek erraz gailendu zuen Araberri eta markagailuaren emaitza 64-34 izan zen.

Gauzak horrela, Sugarrak eta Jotake klubek igandean 18:00etan jokatu zuten finala gainezka zeuden harmailen aurrean. Nora Aldekoak eta Oscar Muñoz 'Joko'-k entrenatutako taldea nagusi izan zen markagailuan hasieratik bukaerara, nahiz eta Jotakek inoiz ez zuen amorerik eman. Alegia, azken laurdenean partida estutu zuten eta 4 puntura ere jarri ziren jokalariak.

Edonola ere, etxekoen azken bultzadak 57-48 utzi zuen markagailua. Sugarrak klubeko kideek goraipatu dute jardunaldi polita izan zela eta kiroltasuna eta errespetua izan zirela nagusi arerioen eta zaleen artean.

Behin txapela lortuta, Zumarragan lehiatuko diren Euskadiko Jokoetan parte hartuko du Sugarrak klubak. Han Gipuzkoako eta Bizkaiko garaileekin jokatuko dute hiruki ereduko txapelketan.

Sugarrakeko neskak finalaren atarian

Sugarrak klubeko haur kategoriako neskek, ordea, pasa den asteburuan neurtu zituzten indarrak Arabako Final Four-ean eta, tamalez, puntu bakarragatik galdu zuten finalerdietan.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide