Astelehenean La ventana de Laudio Facebook taldean erabiltzaile batek post bat argitaratu zuen zeinean Laudioko zinegotzi sozialisten kontrako akusazio larriak egiten zituen.
Loli Muriel zinegotziak argitalpen horretan azaltzen den guztia gezurtatu dio Aiaraldea Komunikabideari eta ziurtatu dio Ertzaintzarekin eta Udaltzaingoarekin hitz egin ondoren, bihar salaketa jarriko duela. Berez, astelehenean taldeko administrariekin jarri zen harremanetan eta testua ezabatu zuten, baina, hala ere, sare sozialen bidez zabaldu da.
Post horretan Ander Añibarro Laudioko alkatearen ustezko adierazpenak ere jasotzen zituen egileak, baina Añibarrok horri buruzko elkarrizketa izana aipatu badu ere, ukatu du edukia hori izatea.
Azkenik, Jabi Asurmendi Arakaldoko alkateak ere salaketa jarriko du, testuaren egileak bere argazkia erabili baitu profilean, bere irudia usurpatuta.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
