ARGAZKIAK

Aldaketarako grina erakutsi du EH Bilduk Aldai Plazako ekitaldian

Hauteskunde kanpainako ekitaldi nagusia egin zuen atzo EH Bilduk Laudioko Aldai Plazan. Maiatzaren 28an  bi eredu kontrajarrien arteko hautua egiteko unea dela azpimarratu zuen Ainize Gastaka alkategaiak: "Xahutzaileena eta espekulatzaileena edo herriarena". Ekitaldian egon ziren ere Eva Lopez de Arroyabe ahaldungaia eta Arnaldo Otegi EH Bilduren koordinatzailea.

EH Bilduk ehunka lagun elkartu zituen atzo arratsaldean Aldai Plazan egindako hauteskunde kanpainako ekitaldi nagusian. Ainize Gastaka alkategaiarekin batera, Eva Lopez de Arroyabe ahaldungaiak eta Arnaldo Otegi EH Bilduko koordinatzaile nagusiak ere hartu zuten hitza ekitaldian. Ordea, Aiaraldeko beste udalerrietako EH Bilduren alkategaiak ere izan ziren Laudion, Gastakaren hautagaitza babesten

Auzitegi Gorenaren ebazpenaren zain dagoen Galder Barbadori eskaini zizkion Ainize Gastakak hitzartzeko lehenego elkartasun hitzak. Izan ere, gazte auzipetuaren abokatua izan da orain arte alkategaia.

Gaian sartuta, Laudiok "aldaketa behar duela" aldarrikatu zuen Gastakak. Politika egiteko bi eredu kontrajarri jarri zituen parez pare; "xahutzaileena eta espekulatzaileena edo herriarena". Maiatzaren 28ko hauteskundeak bi eredu horien arteko lehia direla azpimarratu zuen Gastakak, eta "eskuinari frenoa jartzearen garrantzia" aldarrikatu zuen. "Sistema publikoarekin negozioa egin dutenei amaitu zaie txolloa. Eskuinaren asmo pribatizatzaileek bizi kalitatea eta planeta xahutu dute".

Araban "aldaketa gauzatzeko beharra" azpimarratu zuen Lopez de Arroyabek, eta aldaketa hori ezker indepentistaren esku dagoela nabarmendu zuen.

Eva Lopez de Arroyabe ahaldungaiak Pablo Gorostiagari egin zion keinua: "Aitzindariak izan zineten Laudioko Udala herritarren mesedetara jartzen Pablo Gorostiagaren eskutik. Orain indar hori guztia Araba eraldatzearen mesedetara jarri behar duzue". Araban "aldaketa gauzatzeko beharra" azpimarratu zuen Lopez de Arroyabek, eta aldaketa hori ezker independentistaren esku dagoela nabarmendu zuen.

Azkenik, Arnaldo Otegi EH Bilduren koordinatzaile nagusiak, koalizioak "sentsibilitate desberdinen topaleku" izateko duen gaitasuna jarri zuen balioan. Eztabaida politiko "jantzia" aldarrikatu zuen: "Hau ez da sigla politikoen kontua. Politika publikoak aldatzea da gakoa. Iruzurrezko OPEak egiten direnean Osakidetzan eta zerbitzu publikoak degradatzen direnean, ez zaio iruzur egiten EH Bilduri, herri honetako jendeari baizik, bozkatzen duena bozkatzen duela".

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide