Behera egin du parte hartzeak Aiaraldeko udalerri gehienetan

Aimar Gutierrez Bidarte 2023ko maiatzaren 28a

Eguerdian ilarak sortu dira zenbait mahaietan. / Aiaraldea.eus

Puntu bat eta zortzi punturen artean egin du behera Udal eta Foru Hauteskundeetako parte hartzeak 2019ko datuekin alderatuta. Okondo eta Artziniega dira salbuespenak, non boto kopuruak gora egin duten, 14:00etako zenbaketaren arabera.

Hauteskunde Batzordeak publiko egin ditu 14:00ak arteko parte hartze datuak, aurtengo Udal eta Foru Hauteskundeetan. Oro har behera egin du goizeko parte hartzeak 2019ko hauteskundeekin alderatuta. Hego Euskal Herrian ere joera orokortua da honakoa, Nafarroa izanik salbuespen bakarra non bozka kopuruak gora egin duen.

Aiaraldeara itzulita, herri handienetan, Amurrion eta Laudion, jaitsi da gutxien parte hartzea; %0,7 inguru. Beste muturrean daude Arrankudiaga-Zollo eta Orozko non parte hartzea zortzi eta sei puntu egin duen behera, hurrenez hurren.

Artziniega eta Okondo dira salbuespenak. Bi udalerri horietan gora egin du eguerdira arte hautetsontzietan jasotako boto kopuruak; %2,79 Artziniegan eta %6,27 Okondon.

Hemen kontsultatu daitezke datuak herriz herri:

Politika Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide