Euskal Hockey Selekzio absolutuak lagunarteko bi partida izango ditu uztailaren 8an eta 9an Getxon eta Donostian, Portugalen aurka. Federazioak boluntarioak eskatu zituen bi hitzordu horietarako. Peio Garaio Ganbegi Hockey Taldeko kapitainak bere hautagaitza aurkeztu zuen eta onartu dute.
Gauzak horrela, bi entrenamendu izango ditu gainerako 29 taldekideekin eta Euskal Selekzioko kamiseta jantziko du. Garaiok azaldu dio Aiaraldea Komunikabideari aukera polita dela eta urduri bezain gogotsu dabilela: "Maila handiko jokalariekin arituko naiz. Batzuk Madrilen, Bartzelonan, Getxon edota Donostian lehiatzen dira mailarik gorenenean".
Laudioarrak aipatu du askoren kontra jokatu duela jadanik, "baina batzuek kanpora jo zuten elitean parte hartzeko".
Berez, Garaio hiru aldiz lehiatu da selekzioarekin aurretik, behin 16 urtetik azpiko taldearekin eta beste bi 18 urtetik azpikoarekin. "Edonola ere, lehen aldia da kategoria absolutuan zerbait antolatzen dela eta probatzeko balioko du", azaldu du laudioarrak.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
