ARGAZKIAK ETA BIDEOA

Ekaitzak ez zuen Aiaraldeko harrotasunaren jaia gelditu

Aimar Gutierrez Bidarte 2023ko eka. 21a, 16:30
Deskargatu Info Ahotsak :

LGTBIQ+ komunitatea bistaratu eta aldarrikatzeko helburuarekin Amurrio Harro eta Laudio Harro egunak antolatu zituzten asteburuan. 

Amurrio Harro eta Laudio Harro egunak ospatu dituzte asteburuan LGTBIQ+ komunitatea bistaratu eta aldarrikatzeko helburuarekin. Ekimenaren bigarren edizioa izan zen Amurriokoa, eta iazko arrakastari eutsi egin zion.

Ekaitzak gogor jo zuen mobilizazio orduan, baina horrek ez zituen parte-hartzaileak baretu eta ordu txikiak arte luzatu zen jai-giroa Juan Urrutia Plazan.

Laudion, ordea, Zubiko Malekoia izan zen harrotasunaren epizentroa. Yogurinha Borova artistak El Lio tabernako terrazatik irakurri zuen eguneko pregoia, eta kalejira batek aldarriz eta musikaz jantzi zituen herriko kaleak jarraian. Iluntzean takoi lasterketa eta ileorde festa egin zituzten bertan.

Jendartea Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide