Kultur Etxeko pintura ikastaroko ikasleek artez jantzi dituzte Laudioko erakusleihoak

Erredakzioa 2023ko eka. 25a, 07:20
Deskargatu Info Ahotsak :

APILLek margolan erakusketa antolatu du Laudioko saltokien erakusleihoetan. Ekainaren 29ra bitartean saltokiak bisitatzen dituztenen artean 150 euroko erosketa txartel bat zozkatuko du Laudioko merkataritza elkarteak.

Hamasei saltokik hartu dute parte Erakusleihoak artearekin kanpainan. Horietako bakoitzak Kultur Etxeko pintura ikastaroko ikasleek egindako artelan bana du ikusgai, baita QR kode bat ere. Izan ere, erakusketaz gain, zozketa bat ere antolatu du Laudioko merkatarien elkarteak.

Ekainaren 29ra arte har daiteke parte eta 30ean egingo du APILLek zozketa.

Zehazki, 150 euroko erosketa txartel bat zozkatuko du APILLek kodeak eskaneatu eta Laudio Berrikusiren app-an ‘Erakusleihoak artearekin’ botoia sakatzen dutenen artean. Ekainaren 29ra bitarteko tartea zabaldu du horretarako, hau da, datorren ostegunera bitartekoa. Merkataritza elkarteak jakinarazi duenaren arabera, zenbat eta bisita gehiago egin, orduan eta aukera gehiago izango dituzte parte-hartzaileek saria eskuratzeko.

Hauek dira ibilbidea osatzen duten saltokiak:

  1. 1971
  2. Almacenes Álava
  3. Baimen
  4. Can Can
  5. Santamaria harategia
  6. Ez&bai
  7. Gorobel
  8. Kukuma
  9. Lur natur denda
  10. Mimitos
  11. Nina life styling
  12. Optica luyando
  13. Juan tapizeria
  14. Trece13
  15. Tximeleta
  16. Unan jantzi denda
Ekonomia Laudio

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide