Abuztuko San Roke jaien aurrerapen bat bizi izan da gaur Laudion. Kuadrilletako kideak goizeko lehen ordutik atera dira kalera, jaietako jantziak soinean, sanpedropekoak ospatzeko prest.
Buruhandi eta gaiteroen kalejirak herriko kaleak girotu ditu, baina Aldai plaza izan da jaiaren epizentroa. Ehundik gora lagun bildu dira bertan ohiko sukalki eta tortilla txapelketan.
Sari banaketaren ostean, kozinatutakoa bazkaldu dute toki berean, eta bingo musikatuarekin hasi dute arratsaldeko txanpa, kalejira abiatu baino lehen.
Kontzertuan egongo dira iluntzean, eta giro handia espero da gauean ere. Izan ere, kontuan hartu behar da, sanpedropekoez gain, Zoroak Inkurtul Taldearen 40. urteurrena ere ospatzen dela gaur.
Kuadrilla beterano horretako dozenaka kide bildu dira Aldai plazan bazkalostean, talde argazkia egiteko, eta programa propioa prestatu dute iluntzerako.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide