Pertsona bat atxilotu dute Ertzaintzak eta Laudioko Udaltzaingoak gaur goizaldean, Laudioko etxe batean lapurtzea egotzita. Udaltzaingoak 2:40ak aldera jaso abisua. Patruila bat bertaratu da orduan etxebizitzara, eta Ertzaintzari ere eskatu diote bertaratzeko.
Bertara iristean, poliziek ikusi dute etxeko sarraila behartuta zegoela, eta pertsona bat atzeman dute ustez lapurretan ari zen etxeko leihotik irten nahian. “Susmagarriak, polizia ikustean, atzera egin du ihes egiteko asmoan eta etxebizitza barruan sartu da”, azaldu du Ertzaintzak kasua jakinarazteko plazaratutako prentsa oharrean.
Gauzak hala, suhiltzaileei deitu diete poliziek, etxeko atea zabaltzeko. Barrura sartu direnean pertsona bakarra topatu dute, “leihotik irteteko asmotan ikusi duten bera”. Orduan atxilotu dute.
Ertzaintzak adierazi duenez, atxilotuak 40 urte ditu eta 14 aldiz atxilotu dute aurretik, “kasurik gehienetan jabetzaren aurkako delituengatik”. Epailearen esku utzi dute dagoeneko.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
