Ekitaldia egin zuen atzo EH Bilduk Laudioko Alberto Acero plazan, Espainiako Estatuko hauteskunde orokorretarako botoa eskatzeko. Iñaki Ruiz de Pinedo diputatuak eta Idurre Bideguren senatariak hartu zuten parte ekitaldian, Ainize Gastaka alkatearekin batera.
Ekitaldi politikoa egin zuen atzo EH Bilduk Laudioko Alberto Acero plazan, giro informalean, abiatu berri den Espainiako Estatuko hauteskunde kanpaina berrian botoa eskatzeko. Idurre Bideguren senatariak eta Iñaki Ruiz de Pinedo diputatuak hartu zuten hitza ekitaldian, Ainize Gastaka alkatearekin batera.
Koalizio abertzaleak Madrilgo instituzioetan egindako lana goraipatu zuten Bidegurenek eta Ruiz de Pinedok. Izan ere, azpimarratu zuten "azken urteetan aplikatu diren neurri sozial guztiak ez liratekeela existituko EH Bilduren bultzadarik gabe".
Bide horretan aurrera jarraitu nahi dute subiranistek. Horretarako, indar gehiagorekin itzuli nahi dute Madrilgo kongresura eta senatura. "Orain, Kongresuan eta Senatuan gehiago izan behar dugu, Euskal Herriko jendearentzat gehiago eta hobeto lortzeko", aldarrikatu zuen Iñaki Ruiz de Pinedok, berriro ere "egingo zutela" azpimarratuz. Araban, gainera, erronka bat jarri dio EH Bilduk bere buruari: Josu Estarrona senaturako hautagaia Madrilera bidaltzea.
Argazkiak: Aimar Gutierrez Bidarte
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide