'Busti Zaitez' elkartasun ekimenak esklerosi anizkoitzaren kontrako dirua batuko du bihar

Aitor Aspuru Saez 2023ko uztailaren 14a
Deskargatu Info Ahotsak :

Iazko edizioaren irudia. / Aiaraldea.eus

Materialen salmenta eta elkartasun pintxoaren ekimena prestatzeaz gain, informazioa ere banatuko dute.

Busti zaitez egitasmoaren XXI. edizioa izango da bihar eta horretarako Batzalarrin kalean salmenta postua jarriko dute. Askotariko materiala erosi ahalko da bertan  -kamisetak, katiluak, euritakoak...- eta helburua esklerosi anizkoitzaren kontrako dirua biltzea izango da.

Ekarpen ekonomikoa egiteko beste modu bat elkartasun pintxoa izango da. Hau da, pintxoak salduko dituzte eta norberak erabakiko du zenbat ordaindu.

Esklerosi anizkoitza daukan Jebi Vales laudioarra da egitasmoaren antolatzailea eta azpimarratu du dirua batzeaz gain, informazioa zabaltzea ere badela xedea. Horretarako, informazio orriak banatuko dituzte eta norbaitek galderarik izanez gero, zuzenean berari galdetzeko aukera izango du.

Osasuna Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide