Goitik behera berriztuko dute Laudioko ertzain-etxea eta suhiltzaileen parkea. Birmoldaketa integrala izango da, eta eraikineko hainbat egitura eraitsiko dituzte; hala nola sarrerako aterpea edota arku nagusia. Azaroan hasiko dituzte lanak, eta hasierako aurreikuspenen arabera bi urteko iraupena izango dute. Obrek 4,8 milioi euroko kostua izango dute, Eusko Jaurlaritzak eta Arabako Foru Aldundiak finantzatuta.
Behin-behineko kokapenak
Obrek iraun bitartean ertzain-etxea eta suhiltzaile parkea behin-behineko kokapen batera lekualdatuko dituzte. Polizia autonomikoak eraikinaren aldameneko parkean jarriko ditu bere bulegoak. Barrakoi batzuk instalatuko dira bertan, ohiko jardunari eutsi ahal izateko. Aste honetan hasi dituzte ingurua prestatzeko lanak, eta urrian lekualdatuko dute jarduna bertara.
Bien bitartean suhiltzaileek Arza poligonoko kamioien aparkalekura lekualdatuko dituzte instalazioak. Barrakoiak eta karpa bat jarriko dituzte bertan, ibilgailu guztiak gordetzeko.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
