Goizeko lehen ordutik gaueko ordu txikietara arte luzatu ziren atzo Ugarteko jaiak. Auzo giroa izan zen nagusi egunean zehar. Tokiko ekoizleen ezoka egin zuten lehenbizi. Umeek eta familiek, aldiz, hainbat jarduerez gozatzeko aukera izan zuten, Kirikiño aisialdi taldearen Basoa espazioan.
Gero, hainbat belaunalditako bizilagunak batu ziren plazan eginiko herri bazkarian. Arratsaldean, aldiz, hainbat jarduera egon ziren aldi berean: buruhandiak, igel toka eta futbolin txapelketak eta futbito torneoaren finala. Azken honek ikumira handia sortu zuen, ehunka lagun bertaratu baitziren hainbat hilabetez luzatu den norgehiagoka nola ebazten zen ikusteko.
Gauean, aldiz, txiki geratu zen auzoko plaza, jende uholdea erakarri baitzuten auzora Dupla taldeak, Bidean erromeriak eta DJ Masak.
Argazkiak: Txema Sallen, Txabi Alvarado Bañares eta Kirikiño
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide