Auzoa ezagutzeko txangoarekin eta lokotx bilketa txapelketarekin amaitu dituzte auzoko festak, besteak beste.
Hasi ziren bezala amaitu dira Ugarteko jaiak: auzo giroan. Ostiralean eta larunbatean ehunka lagun bertaratu ziren Laudioko auzora, gauean batez ere. Gainontzeko egunetan giro gertukoagoa izan da nagusi, bizilagunak izan direlako egin diren ekintzen protagonista nagusiak.
Atzo goizean, adibidez, dozenaka lagun animatu ziren Ugarteko hainbat txoko ezagutzeko txangora. Arratsaldean, aldiz, lokotx bilketa txapelketa egon zen plazan. Gaueko hamarretan amaitu zituzten jaiak, bukaera traka lehertaraziz.
Jai batzordeko kideek positiboki baloratu dute aurtengo jaiek izandako harrera, eta festaren antolakuntzara batzeko deia luzatu diete bizilagun guztiei.
Argazkiak: Txema Sallen eta Txabi Alvarado Bañares
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.