Ekintza zaparrada Kuadrillen Eguneko arratsaldea berotzeko

Aimar Gutierrez Bidarte 2023ko abuztuaren 25a
Deskargatu Info Ahotsak :

Kuadrillen Eguneko arratsaldeak ekintza zaparrada ekarri zuen atzo Laudioko jaietara. Zoroak kuadrillak antolaturiko muturreko herri kirolak eta jai-kuadrillen kalejira izan ziren ekintza esanguratsuenetako batzuk. Iluntzean musikak herriko txoko desberdinak bete zituen.

Egunari gorazarre eginez, Laudioko jai-kuadrillak izan ziren atzoko arratsaldeko protagonista nagusiak. Zoroak Inkultur Taldeak antolaturiko muturreko herri kirolen txapelketak ehunka lagun bildu zituen zezen plazan. Ekintza bukatzerakoan kalejira jendetsu batek zeharkatu zituen herriko kaleak.

Halaber, beste hamaika ekintza ere egon ziren Laudioko jaien egitarauaren barruan: antzerkiak, bertso-saioak, erraldoi eta buruhandien kalejira, zaldi-probak...

Iluntzean musika eskaintzaren unea iritsi zen. Eszenatoki handiek zein kale kontzertuek gustu guztientzako programazioa osatu zuten. PetaZetak kontzertua eskaini zuen Irukurutzetako aparkalekuan, eta Katuk, Hofek eta Urrats erromeriak berdina egin zuten Laudioko Txosnetan. Baina izan ziren beste hainbat kontzertu ere, Esne Potakek Keskan edota Placton taldeak Ilargi eta Gorka tabernetan eskainitakoak, esaterako.

Argazkiak: Aimar Gutierrez Bidarte

Kultura Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide