Arratsalde euritsua izan zen atzokoa, baina laudioarrek kaleak hartu zituzten Baserritar Eguneko arratsaldeaz gozatzeko. Sorotan Belek San Roke Musika Bandarekin eskainitako kontzertua izan zen ikusmira gehien piztu zuen ekintzetako bat.
Goizean gertatu bezala, arratsaldean ere jendetza atera zen Laudioko kaleetara Baserritar Eguneko egitarauaz gozatzera. Euria ez zen aitzakia izan eta egitarau oparoaz gozatzeko aukera izan zuten herritarrek: Herri bazkaria, kalejirak, artzain txakur lehiaketa...
Iluntzean musika eskaintzaren unea iritsi zen. Sorotan Bele taldeak Laudioko San Roke Musika Bandarekin eskaini zuen kontzertua izan zen ikusmira eta ilusio gehien piztu zuen ikuskizunetako bat, eta Aldai Plaza goraino bete zuten talde ezagunaren jarraitzaileek. Irukurutzetan, aldiz, Rosario Floresek ere ikusle ugari elkartu zituen, euritan kantan.
Argazkiak: Aimar Gutierrez Bidarte
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide