Altzarrate Kirol Elkartea Luis Rubialesen aurkako borrokan sartu da burubelarri

Aitor Aspuru Saez 2023ko abuztuaren 29a
Deskargatu Info Ahotsak :

Altzarrate Kirol Elkarteko ordezkariak eta Almudena Otaola Espainiako Senatuan iragan maiatzean egindako hitzartzean.

Pasa den ostegunean emakumezkoen kirol klubak salatu zuen Espainiako Futbol Federazioaren aurrean Luis Rubiales presidentearen jarrera, honek Jennifer Hermoso jokalaria indarrez musukatu ostean.

Luis Rubiales Espainiako Futbol Federazioko presidenteak Jennifer Hermoso jokalariari baimenik gabe emandako musuak kirola astindu du mundu osoan eta Aiaraldea ez da salbuespena izan.

Hain zuzen, Altzarrate Kirol Elkarteak pasa den astean exijitu zion Federazioari berari Rubialesen jarduera zigortzea, Munduko Kopako ospakizunaren testuinguruan egindakoak futbol erakundearen protokoloa urratzen duelako.

Zehazki, Altzarratek salatu zuen jarrera hori Sexu indarkeriaren kontrako protokoloaren 4. puntuaren kontrakoa dela.

Hori ez ezik, hurrengo egunean klubak idazkia bidali zion Euskal Federazioari antolakunde horrek plazaratutako adierazpenekin ere bat egiteko eta, gainera, zoriondu zituen dimisioa aurkeztu zituzten lurralde federazioko presidenteak, euskal ordezkaria barne.

Kirola Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide