Laudioko EH Bilduk oharra kaleratu du jaien inguruko balorazioa plazaratzeko. Jai “herrikoi” eta “hurbilak” defendatu ditu, “euskara eta euskal kultura ardatz izango dituztenak eta herriaren aniztasun kultural eta sozialari erreparatuko diotenak”.
Koalizioak azpimarratu du “beste jai eredu batean” sinesten dutela, eta horregatik babesten dutela jaien antolakuntza partekatua Udalaren eta kuadrillen zein herriko kultur, kirol eta gizarte eragileen artean.
EH Bildu Laudiok adierazi du aurtengo jaien testuingurua “ezohikoa” izan dela, bi hilabete baino ez direlako igaro gobernu aldaketa gauzatu zenetik jaiak ospatu artean. Testuinguru horretan, azaldu du “antolakuntzan inplikatutako eragileen lanarekiko errespetua eta elkarlana bultzatzea” izan dela koalizioaren jardueraren ardatza.
Horrez gain, oharrean azaldu du Udalak aurtengo jaietan ahalegin berezia egin duela “jai eredu feministan sakontzeko, emakumeei oholtzatan presentzia gehiago eskainiz eta mugimendu feministarekin elkarlana sustatuz”.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
