Irailaren 26an, 18:30ean, LAIA Laudio aurkeztuko da Lezeaga Aretoan; iaz emakumeen ahalduntze indibiduala eta kolektiboa sustatzeko helburuarekin sortutako herriko emakumeentzako Jabekuntza Eskola. Ekitaldian Virginia Imaz clown-ak umorea eta samurtasuna ardatz hartuta, desparekotasuna eta indarkeria genero-ikuspegitik hartzen dituen antzezlana hurbilduko die bertaratutakoei: “Akelarre”.
Gainera, egun horretan bertan, 2023-2024 ikasturteko programazioa ezagutzera emango da.
LAIA LAUDIO PROGRAMAZIOA
"Bakardadeak Eskola" ekimena Laudion ezarri zen 2021ean, nahi ez den bakardadeari aurre egiteko. Ikastaro hau astearteetan itzuliko da, hirugarren urtez jarraian, 17:00etatik 19:00etara. Programa bihar, irailak 12, hasiko da Lezeaga Aretoan eta emakumeetan jarri nahi du arreta, ahalduntzen eta nahi ez duten bakardade-egoerei aurrea hartzen lagunduko dieten gizarte-trebetasunak garatzeko topagune bat sortuz. Izan ere, emakumeek dute egoera horiek jasateko arrisku handiena, bizi-itxaropen handiagoa, soldata-arraila (pentsioak eta soldata baxuenak) eta familia-zaintzaileen rola direla eta.
Biodantza Tailerra
Irailaren 19an eta 26an eta urriaren 3an eta 10ean Biodantza tailerra egingo da. Gorputzaren eta psikologian esku hartzeko teknika bat da, eta pertsona bakoitzaren potentzialtasuna garatzen du gorputzaren eta mugimenduaren bidez. Tailerra ordu eta erdi luzatuko da, 17:30etatik 19:00etara, hain zuzen ere.
“Emakumeak osasunaren alde” tailerra
Aurten Laia Laudioren programazioan faltako ez den beste ezinbesteko bat Emakumeak Osasunaren alde tailerra izango da. Ekimenaren helburua udalerriko osasun-zerbitzuak erabiltzen dituzten emakumeei ongizateak eraikitzeko gunea eskaintzea da, beren osasuna oro har eta, bereziki, osasun mentala kudeatzeko autonomia emango diena, ahalduntzea tresna terapeutiko prebentibo eta psikofarmakoen erabileraren alternatiba gisa hartuta. Programa irailaren 26an hasiko da eta astearteetan emango da 10:00etatik 13:00etara. Guztira 10 saio izango dira. Tailerra María Ángeles Becerro mediku psikoterapeuta eta osasun mentalean espezialista den psikodramatistak emango du berriro ere.
Parte hartu nahi dutenek ikastaroak hasi baino hiru egun lehenago eman beharko dute izena Laudioko Gobernantza Feministako Zerbitzuan (944 03 48 50/laialaudio@laudio.eus) edo laia.araba.eus helbidera mezu elektroniko bat idatziz.