Antonio Oyarzabal musikari laudioarrak Londreseko Royal Albert Hall eraikin ospetsuan joko du irailaren 19an 20:00etan, Elgar Room aretoan, hain zuzen.
Sortzaileak Steinway Piano Series ekimenaren barruan egingo du, Donne, Women in Music fundazioaren eskutik. Antolakunde horrek genero berdintasuna sustatzen du musikaren esparruan eta horregatik gonbidatu du Antonio Oyarzabal.
Izan ere, pianistak XX. mendeko Europako eta Ameriketako emakume konpositoreen lanak berreskuratu ditu La muse oubliée eta El fin del silencio diskoetan.
Pieza horiei esker aurten Los Angelesen, Floridan, Bilbon, Valentzian, Irlandan edota Salzburgon eskaini ditu emanaldiak.
Horrez gain, Oyarzabal lanean ari da La muse oubliée diskoaren bigarren partea laster argitaratzeko. Aurrekoan bezala, emakumezkoen piezak jorratuko ditu.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
.jpg)