Laudioko Udako Bola Txapelketa jokatu zuten aurreko bi asteburuetan 50 bolarik baino gehiagok. Horien artean Aiaraldeakoak eta kanpokoak egon dira. Antolatzaileak oso pozik agertu dira emaitzekin. Irabazleak Alberto Lopez eta Bea Isasi izan ziren, baina berdintasuna izan da nagusi.
Izan ere, Ruperto Urkijo Bolatoki Elkarteko presidente Oskar Larrazabalek nabarmendu duen bezala, puntuaketak erakutsi du pareko maila dutela bolariek.
Aiarako bola jokoa sustatzen eta praktikatzen dutenen hurrengo hitzordua urriaren 7an izango da, eskualdeko LVIII. txapelketa jokatzeari ekingo baitiote egun horretan.
Lehenengo asteburuetan partideek erabakiko dute zein izango den sailkapena eta emaitza horiek aintzat hartuko dituzte lehenengo hamasei sailkatuen kanporaketak jokatzeko eta lehen zortzi bikoteen artekoak lehiatzeko.
Abenduaren 9ko arratsaldean izango dira finalak bi kategorietan.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
