Zailtasun sozialak dituzten haurren bizi kalitatea hobetzean datza eskola arrakastaren proiektua. Horretarako, eskola-gaitasunak lantzeaz gain, garapen sozialerako eta osasunerako baliagarriak diren ezagutza teoriko eta praktikoak eskuratzen dituzte.
Boluntarioak astelehenetik ostegunera txandakatuko dira 17:00etatik 19:00etarako tartean, aisialdiko ekintzak egiteko Lehen Hezkuntzako haurrekin. Eskolako kontuekin ere laguntzen dituzte, baina, Gurutze Gorriaren arabera, babes emozionalerako pertsona erreferenteak bilakatzea da garrantzitsuena.
Urtean zehar, gainera, hainbat ikastaro egingo dituzte zenbait gai lantzeko, hala nola indarkeria matxista, aniztasun kulturala, eskola jazarpena... eta irteerak ere egiten dituzte.
Boluntario gisa parte hartu nahi dutenek llodio@cruzroja.es helbidera idatzi edo 946 72 64 58 telefono zenbakira deitu beharko dute. Antolatzaileek adinez nagusiak diren pertsonak izatea hobesten dute, nahiz eta 16 urtetik gorakoek monitoretza ikasketen barruan sar dezaketen boluntariotza.
Programa aurtengo urri erdialdean hasiko da eta datorren ekainean amaitu, eta barneko ekintzak Laudioko Gurutze Gorriaren egoitzan izango dira.
