Laudio Berrikusi aplikazioa deskargatzeagatik menuak banatuko ditu APILLek gazteen artean

Jone Gartzia Gerra 2023ko urr. 1a, 09:00
Deskargatu Info Ahotsak :

16 eta 30 urte bitarteko gazteek pizza edo hanburgesa eta edaria izango dituzte aukeran.

Laudioko Merkatarien Elkarteak gazteei zuzendutako kanpaina abiatu du. Zehazki, 16 eta 30 urte bitartekoek menu bat jasoko dute opari Laudio Berrikusi aplikazioa azaroaren 30a baino lehen deskargatzen badute.

APILLek gazteei zuzendutako LB Gazte Menua kanpaina abiatu du. Horren bidez, urriaren 2tik azaroaren 30era bitartean Laudio Berrikusi aplikazioa deskargatzen duten gazteei menu bana oparituko dio merkatarien elkarteak. Pizza edo hanburgesa eta edaria izango dituzte aukeran eta abenduaren 15a baino lehen kontsumitu beharko dute saria.

Horretarako, Laudio Berrikusi aplikazioa deskargatu beharko dute urriaren 2tik azaroaren 30era bitartean, eta ostean Zumalakarregi kaleko 33. zenbakian NANa aurkeztu eta 'LB Gazte Menua' txartela jaso. Nabarmentzekoa da izakinak agortu arte  280 menu banatuko dituela Laudioko merkataritza elkarteak.

Herriko sei establezimendutan egongo da menuak dastatzeko aukera:

  • Laudioko Batzokian hanburgesa eta freskagarria
  • Capucci katuan hanburgesa, patata frijituak eta freskagarria
  • Gorka tabernan hanburgesa, patata frijituak eta ur botilatxoa
  • Iluntzen Iluntze hanburgesa, patata frijituak eta freskagarria
  • Lauri Barrian hanburgesa eta freskagarria
  • Laudioko Telepizzan gehienez bost osagaiko pizza ertaina eta 0,5 litroko bi botilatxo
  • Txantxikun Txantxiku hanburgesa, patata frijituak eta freskagarria
Ekonomia Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide