Aiaraldeak protagonismo berezia izan zuen larunbatean Getxon ospatutako Espainiako Hockey Federazioaren 100. urteurren ibiltariaren zitan. Eskualdeko hainbat pertsona sairtu zituzten bertan, hockeyan eginiko ibilbideagatik. Paco Carrera, Iñaki Olaguenaga, Nuria Larrinaga, Hector Borge eta Jose Maria Sorolucek jaso zuten aitortza.
Ez ziren bakarrak izan. Eskualdeko hainbat taldek ere jaso zuten aitortza, eta euren ordezkariek bertaratu ziren saria jasotzera: Imanol Aurtenetxe (Ganbegi 6-2 H.T.ko presdenteordea), Pili Izquierdo (Hockey Laudio K.E.ko presidentea), Pako Souto eta Mertxe Arto (Satorrak H.T.ko presdentea eta zuzendaritza taldeko kidea, hurrenez hurren) eta Juanjo Garcia (Rapid APILL H.T.ko presidentea).
Laudioko Udalari eskerrak
Horrez gain, Laudioko Udalak ere jaso zuen aitortza, urte luzez hockeyari erakutsitako babesagatik. Nerea Gonzalez kirol zinegotziak jaso zuen oroigarrioa, Santigo Deo (Espainiako Federazioaren presidentea) eta Agustin Rojoren (Euskal Hockey Federazioaren presidentea) eskutik.
Aipatutako pertsona guztiez gain, Aiaraldeko hockeyan zeresana izan duten beste hainbat lagun ere bertaratu ziren larunbateko zitara:
- Juan José Cuartango, Eusebio Orueta eta Javi Larrazabal (Arabako Hockey Federazioaren presidente ohiak).
- Alfonso Tejedor (Satorrak H.T.ko idazkari nagusia).
- José García eta Nagore Cuartango (nazioarteko arbitro izandakoak)
Argazkiak: Hector Borge